NLUP-ah Rs. 75,59,000 sem

July 27, Ningani khan Chanmari West YMA Zawlbuk-ah Commerce & Industries department-in Aizawl North-III leh Aizawl East-II biala NLUP third phase hnuai-a mi 249-te hnenah ṭanpuina an dawn sem tawpna hun an buatsaih a, minister Lal Thanzara'n a hmanpui. NLUP ṭanpuina sem zat hi Rs. 75,59,000 a ni.

Lal Thanzara chuan, NLUP kaltlangin chhungkaw tam tak an dinchhuah phah nia sawiin, "Mizoram chu India ram state hrang hranga kum 16 chin chung lam hna nei lo tlemna pawl a ni a, kan nih theih chhan zinga pakhat chu NLUP a ni," a ti a; Mizoram chu NLUP vangin Gross State Domestic Product (GSDP) aṭanga chhûtin special category state zingah sum hmang ṭha pawl a nih thu leh NLUP kalpui hnuah tlangram lo neih bànsan an tam thu a sawi bawk.