Johnson College Freshers Social

Johnson College chuan nimin khan Vanapa Hall-ah Freshers Social leh Graduation Day an hmang a, minister PC Lalthanliana khuallian a ni.

Chawhmaa zirlai lut tharte puala inkhawmah PC Lalthanliana chuan, zirlaite chu nuam sa taka lehkha zir tum lo tur leh harsatna leh hrehawm a thlen pawha taima taka an zirlaite zir ṭhin turin a fuih a; harsatna leh hreh-awmnate chu mi tichaktu leh hlawhtlinna tlanga dintirtuah chantir turin a chah. Minister hian Johnson College tan waiting shed ṭha tak sakna tur a pek tur thu a sawi bawk.

Chawhnuah graduate tharte puala hun hman a ni a; kumin 2017-a B.A result chhuakah zirlai 112 an pass a, pass percentage chu 61.20% a ni.