Tuikum luia tla zawng mek

Lallawmzuala (30), New Serchhip chu July 29, Inrinni zing dar 6 vel khan Tuikum luia PHE department-in tui laknaah a chesual a, he thu ziah lai thleng hian a ruang hmuh a la ni lo.

Thu dawn danin, Lal­lawmzuala hi Vanchéngte rama a ute lo-ah a riak a, Serchhipah chawhmeh laa a kal hnua Serchhip aṭanga a lêt leh lam chu zing dar 6 velah Tuikum luia PHE tuikhuah tláng a zawh laiin a chesual a, tuiah a tla a, Tuikum luiin a la zui nia hriat a ni.

A ruang hi Serchhip leh a chhehvel khuaa mi tlawmngaite'n an zawng nghal a; Serchhip DC office aṭangin SDC Vabeimozah Chozah chuan tui tla zawnna hman­ruate a pe a, DC Sangchhin Chinzah-in silpauline leh Rs. 2,000 a pek bakah, bialtu MLA Lal Thanhawla'n Rs. 5,000 a pe a ni.