Kolasib-a hnam dangte Pawn chhuah khap titawp

Kolasib-a sikul kai hmeichhe tleirawl pakhat, David Kondo-a'n a pawngsual nia hriat a nih avanga Kolasib-a MZP leh MSU-te'n Kolasib khawpuia vai páwn chhuah an khap chu nizan khan a tawp.

Kolasib aṭanga thu dawn danin, zirlai pawlte'n vai pawn chhuah an khap hi hnam dangte'n an zawm ṭha a, buaina leh thil ṭha lo thleng a awm lo. Tleirawl pawngsualtua puh, David Kondo hi Cachar district-a Hmarkhawlian mi a ni a, police-in an man hnuah magistrate thupekin Kolasib District Jail-ah dah a ni.