SMO leh khawtlang hruaitute inkâwm

Tlabunga V/C leh pawl hrang hrang hruaitute chuan Inrinni khan Tlabunga Senior Medical Officer (SMO) an kâwm a; Tlabung damdawi-ina medical officer dah belh phûta sorkar kar nana August thlaa kawng zawh emaw, sorkar pisa leh zirna-in khâr an rèl tawh chu kaltlangpui tuma an inruahman thu an hrilh.

Tlabung SMO Dr LP Malsawma chuan, Tlabung-a pawl hrang hrangte chu doctor dah belh phûtna atana August thla aṭanga na zawka sorkar nawr an tum chu ṭhulh turin a ngên a; an thil phut chu sorkar-in a hriatpui tih a hrilh.

Dr LP Malsawma chuan, July 28, 2017 khan Aizawlah Tlabung mipui-te thil phût chungchang sawihoin department hotute an ṭhutkhâwm thu a sawi a, "An meeting thuchhuak hre hman lo mah ila, keini lam chuan tuna ruahmanna in lo siam tawh hi kaltlangpui lo turin kan ngèn che u a ni," a ti.

Tlabunga NGO hruaitute chuan, July 2017 ral hma ngeia medical officer pêk belh an nih loh chuan thu an lo dah tawh chu kal-tlangpui an tum thu an sawi a, "July thla ral hma ngeia doctor dah belh kan phût a ni," an ti a; an hun tiam a ral hnua a hlawhtlin loh chuan an thurel tawh anga an kal a ngaih dawn thu an sawi.

SMO an hmuhnaah hian Tlabunga V/C leh tlawmngai pawl hrang hrang hruaitute an tel a ni.