Zirnain hma a sawn theihna atan Ṭangruala hmalak a ṭul - H Rohluna

School Education minister H Rohluna chuan, Mizoramah zirna kalphungin hma a sawn theihna atan ṭangruala hmalak a ṭul thu a sawi.

Tuipuiral Zirlai Pawl (TZP)-in an member Aizawla lehkha zira awm tharte lawmna hun Inrinnia IPR auditorium-a an buatsaih a hmanpuinaah H Rohluna chuan, "Zirna kalphung, zirna-in leh zirtirtu service pawhin hma a sawn theih nan ṭangruala hmalak a ṭul," a ti.

Bialtu MLA T Sangkunga pawhin thu sawiin, Mizoram sorkarin kum tin hna eng emaw zat a la ṭhin a, thawkrim peihte tan hna thawh tur a awm tih a sawi a, "Central Service exam-ah Mizo ṭhalaite'n tun aia nasain hlawhtlinna hmu se a duhawm hle," a ti.

T Sangkunga hian a bial chhunga zirlai tiṭha ber hnenah MLA Award a hlan ṭhin a, kumin hian C Thangpuii, Sazep khua, Mizoram University-a M.Sc (Mathematics and Computer Science) gold medalist hnenah laptop a hlan a ni.