ZPM MLA-te'n ramri an tlawh

ZPM MLA-te chuan Inrinni khan Mizoram ramri hnaiha khuate leh task force duty-te an fang chhunzawm. Aizawl South-I bialtu MLA C Lalsawi­vunga'n Myanmar ramri Ṭiau luia task force duty-te a tlawh a, Aizawl North-II bialtu MLA Dr Vanlalthlana'n Bairabi lam a tlawh thung.

Dr Vanlalthlana chuan, Bairabi chhehvela duty-te hmaah thu sawiin, "Mizoram leh mipui tan himna tura duty-te hi tunah hian kan hero dik tak in ni. Tun ang hun harsa kara kan tana ding in ni a, nangni lo hi chu Mizo mipui hian hero dang kan nei lo. A hmun ngeia theihtawp chhuah kan inhuam thu rawn sawi pawh hi kan ba ve a ni," a ti.

C Lalsawivunga chuan, Chawng­tui, Vaphai leh Hmáwng­kàwn duty post-te a tlawh a, duty-te chu ram leh hnam tana an ṭhahnemngaihnaah fakin, "A sûr a sâ pawisa loa mipui himna atana in thawk hi a zahawm hle a ni," a ti a; mi tinte'n ei leh bara intodelh tura kut hnathawktute chawi san a pawimawh a ni tih, hripui léngin harh tharna thlen se a duh thu a sawi.