Vawksa bûk tling lo man
May 2, Inrinni zing khan Siahaa Legal Metrology enforcement staff leh MADC sorkara LAD-te chuan Siaha khawpui chhung hmun hrang hrangah vawksa bûkte an endik a; Meisatla, Meisavaih East, New Siaha East leh New Siah West-ahte bûk dik loa vawksa hralh an man.
Bûk dik loa vawksa hralhte chuan kg. khat (gram 1,000) turah gram 800 leh 900-tein an pe chhuak a; sorkar thuchhuah chuan buk dik loa hralhte chu dan anga hrem tura buaipui an nih thu a tarlang. Legal Metrology hian May 1, 2020 khan Siahaa meizial (cigarrette) man to uchuak taka supply-tu pakhat chu an lo man tawh bawk.
Legal Metrology chuan, Siaha district mipuite chu sa bûk dik lo an hriatte lei lo ngam tur leh an hnen a thlen ṭhin turin an ngen a ni.