Sports Minister-in hall sakna tur a tlawh

Sports & Youth Services minister Robert Romawia Royte chuan Inrinni khan Ramhlun Sports Complex-a volleyball indoor hall sakna tura ruahman a tlawh a, hmalak dan tur a enfiah.

Robert Romawia chuan, Mizoramah standard volleyball court neih ṭul a tih thu sawiin, "Mamitah cheng nuai 1,200 séngin sak mek a ni a, Aizawl remchang laiah international competition khelh theihna tur din tumin sorkarin 

ṭan a la mek bawk. Mualpuia sports hostel chung zawma sak rawtna a awm a, duh anga a len tawk loh avangin Ramhlun Sports Complex-a sa turin DPR siam vat kan tum," a ti.

Sports Minister hian Venghnuai Field tihchangtlun dan tur a enfiah nghal a, T Romana College-a multi utility centre sak tura rawtna hmun a tlawh bawk.

Minister hi Mizoram Volleyball Association president H Lalzirliana, MLA, Sports director Lalsangliana leh Mizoram State Sports Council secretary C Laltlanthanga ten an ṭawiawm a ni.