Zirlai saruaka hawtirtu zirtirtu Bàn turin MZP-in sorkar phût

MZP Gen.Hqrs chuan, August 24-25-a Thangpui Primary School-a zirlai pakhatin a zirlaipuite kut a tawrh chungchangah, remna siam tum loa zirtirtuin zirlai sikul uniform hlihsaka saruaka a hawtir chu an dem tak zet thu leh bàn an phût thu an tarlang.

MZP chuan thuchhuah siamin, "He harsatna thleng avanga zirlaiin damdawi-in (John William Hospital, Lunglei)-a enkawl ngai hial khawpa a tuar hi MZP chuan pawi a ti hle a ni," an ti a; thil thleng an hriat veleh sikul thuneitute an be nghal a, a ṭul anga hma la turin an ngen tih an sawi.

Zirlaite chunga lainatna leh hmangaihna lantir loa hmeichhe naupang páwl khat zirlai pakhat, a uniform hâk lai hlihsaka haw tirtu Lalbiakengi, SSA teacher chu human rights nasa tak a bawhchhiat avangin zirtirtu ni zel tlakah an ngai lo tih tarlangin MZP chuan, a hna aṭanga bàn bakah, dan anga hrem ngei an phût thu an tarlang a ni.

MZP hian John William Hospital-a enkawl mek zirlai chu Rs 2,000-in an kan bawk.