PMUY hnuaiah gas connection hlân

Food, Civil Supplies and Consumer Affairs minister K Lalrinliana chuan nimin zing khan Khuangpuilama NEC Collection Centre-ah Pradhan Mantri Ujjwala Yojana (PMUY) hnuaia chhungkaw 89 hnena a thlâwn gas connection pek tur a hlân.

Kolasib-a MIZOFED manager Reuben K Lalngaihzuala tarlan danin, Kolasib khawpuiah PMUY hnuaia hamṭhatna dawng chhungkua 89 an awm a, chhungkaw 200 vel dawng tura buaipui leh mek a ni. PMUY hnuaia hmaṭhatna dawng hi Kolasib district-ah chhungkaw 900 vel an awm tawh.

FCSCA Minister chuan, eirawngbawlna gas indaih lohna avanga harsatnate chu sorkar laipuia thlen a nih hnuah hnianghnâr zawka a awm theih nan ruahmanna siam a nih thu a sawi a, "Heng ruahmanna avangte hian hmasawnna hmuh chhoh mek a ni. PMUY scheme-in a tum tihlawhtling turin hamṭhatna dawngtute an pawimawh," a ti.