Lirtheiah fimkhur turin ngen

Traffic SP Rodingliana Chawngthu chuan, The Motor Vehicles (Amendment) Act, 2019 chu September 1, 2022 aṭangin Aizawlah kenkawh ṭan a nih dawn avangin lirthei khalhtute fimkhur lehzual turin a ngen.

Traffic SP chuan, "Road safety leh traffic discipline lama min puitu leh hma min sawntirtu a nih ngei theih nan lirthei khalhtute dan zâwm ṭheuh turin kan ngen a ni," a ti a; traffic police-te'n dan bawhchhiat vanga driving licence leh motor document an man tawh sate chu August 2022 ral hmaa chingfel turin a chah bawk.