Champhaiah FOCUS hmalakna sawiho

Champhai district-a FOCUS hmalakna zir chianga chàm chilh mektu International Fund for Agricultural Development (IFAD) Supervision Mission Team leh District Coordination Committee on FOCUS member-te chu August 26, 2022 khan DC conference hall-ah an ṭhukhawm a, hmalaknate an sawiho.

Ṭhutkhawm kaihruaitu James Lalrinchhana, DC chuan, "IFAD kaltlang FOCUS project leh line department-te inkarah inpawh tlànna leh thawhhona ṭha neih a pawimawh," a ti a; hamṭhatna leh hmasawnna tam thei ang ber hun bituk chhunga siam a nih theih nan ṭhahnemngai taka thawhhopuiah kal khawmte a sáwm.

IFAD supervision mission team leader Frew Behabtu chuan, hripui léng vangin hmalakna a chak tâwk loh thu a sawi a; hun tlem tê, kum hnih vel an la neih chu ṭangkai leh ṭhahnemngai taka chhawr ṭangkai a ṭul thu a sawi bawk.

Ṭhutkhawmah hian chak zawka FOCUS project kalpui a, hun bituk chhunga zawh a nih theih dan tur te, rang zawka sum dawn theih dan tur te, hmasawn ngaihna lai leh hna thawh hun azira hmalak dan turte sawiho a ni.