Inrinniah thisen unit 321 an pe

August 27, Inrinni khan Mizoramah pawl hrang hrangin thisen unit 321 an pe. Mizoram Gorkha Youth Association chuan Aizawl leh Kolasib-ah thisen an pe a, Civil Hospital, Aizawl blood bank-ah unit 71 leh Kolasib District Hospital-ah unit 40 an pe a ni.

Civil Hospital, Aizawl blood bank-ah Mizo Chelsea Supporters Club-in thisen unit 78 leh Bualpui NG Welfare, Aizawlin unit 22 an pe a; Chaltlang Branch YMA pawhin an kum 75-na pualin Civil Hospital tan unit 64 an pe a, petute mipa 60 leh hmeichhia pali an ni. KṬP, Kanan Veng Branch member mipa 39 leh hmeichhia pahnihte'n Synod Hospital tan unit 41 an pe bawk.

T Romana College NSS chuan August 26, Zirtawpni khan an college-ah Civil Hospital, Aizawl tan thisen unit 100 an pe a, petute hi first semester zirlaite an ni.