BSNL-in free wifi an pe dawn

Mizorama BSNL gene­ral manager VK Ma­huli chuan nimin khan a pisaah thuthar theh­darhtute kâwmin, BSNL hmangtute tan Aizawl khawpuiah a thlawnin wifi pek chhuah a nih dawn thu a sawi.

VK Mahuli sawi danin, BSNL wifi hotspot hi Aizawl khawpui chhunga hmun 19-ah dah a ni dawn a, hotspot 12 atan hman­ruate Aizawlah a lo thleng tawh. BSNL free wifi hi kumin September thla tawp lamah hman theiha peih hman beisei a ni a; BSNL subcriber-te chauh hman theih tur niin, sub­criber-te chu an hman theih nan card an pe dawn a ni.

VK Mahuli chuan, Aizawlah mobile phone centre pakua an dah belh dawn tih sawiin, hmun ṭhenkhatah chuan dah bekh hna thawh mek a nih thu a sawi a, "August 31, 2017-ah zawh hman beisei a ni," a ti. Aizawl leh Lunglei inkarah optocal fibre thlun a nih dawn thu te, BSNL-in subcriber-te tana hamṭhatna tur plan hrang hrang an siamte a sawi lang bawk.