Party sorkar ni lo din turin MPC-in hmalak zel an tum

MPC party office bearer-te nimina an pisaa ṭhukhawm chuan, "Kum 2018 MLA election awm turah Mizoramah party sorkar ni lo, mipui sorkar a din ngei theih nan MPC hmalakna chu mipui beisei ang ngeia hlawhtling taka hlen chhuah a nih theih nan chak taka hmalak zel ni se," an ti.

MPC OB-te thu­chhuah chuan, July 19, 2017-a MPC ṭhalai leh PRISM-te'n Sairang leh a chhehvela Tlawng lui lian vanga vanduaina tâwk chhungkuate hnen­ah chhawmdawlna a rang lama pe turin Mizoram sporkar an phût tih a tarlang a; Sairang dam­dawi-in sak thar mek chu ruahmanna (estimate) nen a inmil lo lutuk nia sawiin, enfiah a, a nihna ang taka sak a nih ngei theih nan hma la nghal turin sorkar an phut.

MPC party chuan, Chakma foreigner a rûka Mizorama lut ṭhin dap chhuah hna thawh kawng­ah Mizoram sorkar a che lo hle niin an sawi a, "Ram dang aṭanga Chakma foreigner lo lut ru reng hi chak taka dap chhuah hna thawk tur leh thawn kîr turin Mizoram sorkar kan phût a ni," an ti.