Chakma pung chak ngaimawh

Dampa Bial Ṭhalai Pawl (DBṬP) chuan thuchhuah siamin, ram dang aṭanga lo lut Chakma-te Mizorama an pung chak lutuk chu an ngai-mawh thu an tarlang.

DBṬP chuan, Mizoram chu hnam dangin an luah ṭhen ṭeuh tawh nia sawiin, hnam himna ngaihthah vanga dan kalh­a Chakma tam tak páwn lam aṭanga an lut reng chu an ngaimawh thu an sawi a, "Kan bial chhung - Hrui­duk, Hnahva, Silsuri leh Marpara-ahte phei chuan tun hnai têah dan kalhin Chakma tam tak lo lutin an inbéngbel zel tih kan hriat avangin kan mang­ang hle," an ti.

DBṬP chuan, Mizorama Chakma foreigner lut leh inbengbel pung chak lutuk ven nan hmalak an tum tih sawiin, "Hnam humhalh nana thawk hlawk tak YMA leh zirlai pawlte thawhpuiah sáwmin, dan kalha Chakma lo lut leh inbengbel zuite zir chian kan tum," an ti a; ram leh hnam him nan DBṬP thláwp turin Mizo zawng zawng an sawm a ni.