Zirlai thar lawmna hun hman a ni

Govt. Kolasib College chuan nimin khan Parish Hall, Venglaiah zirlai thar lawmna hun an hmang a, Higher & Technical Education (HTE) minister R Romawia'n a hman pui.

R Romawia chuan hlawhtlinna chu zirlai mimal tinte mawhphurna a nih thu sawiin, zirlai tharte chu mi hlawhtling tawhte entawn a, taimakna leh rinawmna nena an mawhphurhna hlen tura fuihin, "Mizote hmasawn zel turin rilru tuaiharhna leh insiamṭhatna kan mamawh a ni. Zirlaite'n tumruhna, huaisenna leh rinawmna nen hmalam an pan zel a pawimawh," a ti.

HTE Minister hian Students Union buatsaih magazine ‘Hlimthla’ tih chu a tlangzarh nghal a ni.

Inkhawm zawh hian Revenue minister ni bawk R Romawia hian Govt. Kolasib College ram chu a hmunah enin, tehfel ngai leh tihfel ngai laite chinfel dan tur college hotute leh asst. settlement officer-te a sawipui nghal a ni.