NABARD hotu leh CM inkâwm

NABARD, Mizoram Regional Office general manager KVSSLV Prasada Rao chuan nimin khan chief minister Zoramthanga a pisaah a hmu a, RIDF XXVIII hnuaia Mizorama thingtlang tihhmasawnna (rural infrastructure project) hmalakna tur cheng vbc. 230 ruahman a ni tih hriattirna lehkha a pe.

CM Zoramthanga chuan, hmasawnna hnathawhnaah NABARD nen thawhhona ṭha tak Mizoramin a nei chu lawmawm a tih thu a sawi a, "Hmachhawp hrang hrangte mipui chhawr tlaka tihhlawhtlin ngei a nih ka beisei," a ti.

NABARD General Manager chuan, Rural Infrastructure Development Fund (RIDF) project hrang hrang Mizorama thawh mek te, NABARD hmalakna dangte leh Mizorama thawh theihte Chief Minister a sawipui a ni.

NABARD hian tuihna humhalh lamah te, tribal development atana hmalakna te, sum khâwl leh hman chungchanga inzirtirna te, bank refinance-te leh hmalakna dangte a thawk ṭhin a ni.