Aizawl DC-in bawlhhlawh paih khapna thupek a ti chhuak

Aizawl district bawrhsap Dr Lal-hriatzuali Ralte chuan nimin khan thupek chhuahin, National Highway (NH)-54 kawngpui sirah bawlhhlawh paih khap a nih thu a puang. Thupek hi thla hnih chhung atan a ni a, thupek bawhchhiate chu CrPC Section 144 hmangin hrem theih a ni.

Aizawl Bawrhsap chuan, tunlaiin Sairang leh Khamrang inkar NH-54 kawngpui sirah duhdah taka bawlhhlawh paih ṭhin an awm tih hriat a nih thu a tarlang a, "Bawlhhlawh chi hrang hrang paih ṭhin hian Tlawng lui nasa takin a tibawlhhlawh a, hriselna kawngah mipuite'n nasa takin kan tawrh phah thei. Mi tu pawhin NH-54 Sairang leh Khamrang inkar khawi hmunah pawh bawlhhlawh an paih tawh tur a ni lo," a ti.