PRISM manifesto tlangzarh

PRISM chuan kum 2018 Assembly inthlan atana an manifesto chu nimin khan State Guest House, Aizawlah PRISM president Vanlalruata’n a tlangzarh. Vanlalruata chuan, an pawlin sorkarna siam an tum thu a sawi.

Manifesto tlang­zarhnaah hian Vanlalruata chuan, “Thuneitute'n mi­pui duh dan an bawh­­zui ṭhat duh loh hi bawhzui a, ram siam ṭha tura mipui min auh leh nawrna chhan tumin kan ram tana ṭha tura kan ngaih te, pawl leh mi hrang hrang duh leh ṭha tihte tihlawhtling a, ram hmelmate laka kan ram chhan tura sorkar siam kan tum a ni,” a ti.

PRISM President chuan, ram, hnam leh sa­khaw himna leh hma­sawnna an ngai pawi­mawh ber tih sawiin, "Bangladesh aṭanga dan kalha rawn pém lutte dap chhuaka thawn kîr turin hma kan la dawn a, lo lut ru an awm tawh loh nan hma kan la dawn," a ti a; hydel project siam mek leh siam tumte tihpun an tum thu a sawi bawk.

PRISM manifesto-a tarlan Ṭhenkhat
w Innerline Reserved Forest lak let tum
w Hna thar 1,50,000 aia tlem lo siam
w District leh civil sub-division ramri siam ṭhat
w Eirûte man leh an eirûk chhuhsak
w Buhfai, chini, khawnvartui leh tél sem
w Tar pension tihpun
w In hmun nei lote in hmun pek leh in nei lote in saksak
w Minister leh MLA hlawh leh facility tihtlem
w Aizawl leh khawpui zauh leh khawpui chhung kawng zauh
w Power-a intodelh nan HEP siam
w Look West Policy leh Regulated Market kalpui