ASHA tan training buatsaih a ni

National Urban Health Mission (NUHM) chuan nimin khan Aizawl Civil Hospital conference hall-ah 'Orientation and refreshers training for Urban ASHA' an buatsaih a, NUHM hnuaia accredited social health activist (ASHA) mi 79 an tel.

Nimina training-ah hian Quality Assurance state nodal officer Dr Lalchhuanawma'n ASHA kalphung leh vantlang hriselna chungchanga ASHA-te mawhphurhna a sawi a; Resource person - Dr Evelyn Lalremsangi, Lalmuanpuii leh Lalthanzami ten thupui hrang hrang an sawi.

Training-ah hian ASHA-te'n harsatna hrang hrang an tawhte sutkian dan tur sawiho a nih bakah, zawhna leh chhanna hun hman a ni a; vawiinah chhunzawm a ni ang.