Police-in ruihhlo an man

Mizoram Police-a CID, Spe­cial Branch operation team chuan nimin khan ITI Venga Aizawl By-pass Road-ah Malsawm­dawnga (30) s/o Muanthanga (L), Tahan F-Group, tuna Hunthar Venga khawsa mek nia insawi hnen aṭangin methamphetamine mûm 20,000 (kg. 2) an man. Meth man hi international market-ah cheng nuai 600 man a ni.

Sairang police-te pawhin nimin khan Sairang Dawrvengah heroin gram 25.56 an man a, a neitua puh Lalrochana (20) s/o Zonunsanga (L), Champhai Samtlang an man bawk. Heroin hi international market-ah cheng nuai 12.78 man a ni.