Dy. Speaker-in puantaha eizawn tumte kâwm

Assembly deputy speaker Lalrinawma chuan nimin khan a bial, Tuikum constituency chhunga Sialhau khua a tlawh a, Buanhmun Handloom Cluster hnuaia puantaha eizawn tumte a kâwm.

Lalrinawma chuan, a MLA fund zinga 80% vel chu eizawnna lam hawi atan hman a nih thu sawiin, "Thil dang ka ngai pawimawh lo ni loin, eizawnna ka ngaih pawimawh zual bik vang a ni," a ti a; khaw hrang hrang mamawh ang zelin MLA fund hman a nih thu a sawi.

Buanhmun Handloom Cluster-ah hian chhungkua 31 an awm a, bialtu MLA hmalaknain puan bànna leh a thilna hmun tur in sak a ni.