Nu leh nausen thih chhan zirho

August 29, Thawhṭanni khan Aizawl West Chief Medical Officer pisaah Aizawl West CMO hnuaia doctor-te'n kum 2021-22 chhunga an huam chhunga nu leh nausen thite thih chhan zir chiangin an sawiho.

Zirhonaah hian nu leh nausen thite thih chhan leh pumpelh theih a nih leh nih loh te, mawhphurtu bik an awm leh awm loh te, sorkarin a tih tur a tih tawh leh tih tawk lote an thlirho a, "Tun hnuah nu leh nausen thihna a thlen tawh loh nan doctor-te leh DC Office lama mawhphurtute'n dik leh ṭha takin hna thawk se," an ti.

Ṭhutkhawm hi Aizawl bawrhsap Dr Lalhriatzuali Ralte-in a kaihruai a, Aizawl West CMO hnuaia doctor eng emaw zat an tel a ni.