JICA hmalakna tur sawiho

Japan International Cooperation Agency (JICA) team leh Irrigation & Water Resources (IWR), Agriculture leh Horticulture department hotute chuan nimin khan Kolasib-a IWR conference hall-ah hmalak dan tur an sawiho.

Meeting-in a tum ber chu, ei leh bara Mizoram a intodelh theihna tura JICA-in master plan a siam tawh tihhlawhtlin nana hmalak chhunzawm zelna tur ngaihtuah a ni. JICA pilot project atan Mizoram chhunga RD block pali thlan a ni a, chung zingah chuan Kolasib district-ah Bilkhawthlir RD block thlan a ni. Bilkhawthlir RD block-ah hian pilot project atan Agriculture and Irrigation Plan leh manual te duan tum a ni.

JICA team-te hian Bilkhawthlir RD block-a an hna thawhna tur hmunte an tlawh nghal a, lo neitute nen an inkâwm a ni.