Mau/rua ṭiak phun a ni tawh

Chief minister Zoram­thanga hoin nimin khan Horticulture department hotute'n Chief Minister's Office (CMO)-a Cabinet room-ah mau/rua chung­chang an sawiho a; raw chíng tura thlante'n a ṭiak an phun tawh thu tarlan a ni.

Meeting-ah hian mau tihhmasawnna (bamboo development) atana hma­lakna hmasa (pilot project) - Model Bamboo Plantation chungchang sawi a ni. An sawi danin, phai aṭanga mau ṭiak chah chu nursery-ah hardening tih laiin Lengpui leh Hmunpui khuaa mau ching tura thlante'n a phunna tur thlawhhma siam leh a khur laih bakah ṭul dangte an ti zo tawh a, mau ṭiak an phun vek tawh. Mau/raw ṭiak an phun zawng zawng chu 79,200 a ni. Rua chînna karah thlai dang chîn tel tum chung­changah meeting chuan, a chíngtute'n rua ṭhanna tur dîp thei tur thlai an chin loh a pawimawh thu sawi a ni.