E.Roll-a Chakma 194 thun tur zawtfiah

MZP Sub-Headquarters, West Phaileng hruaitute chuan Silsury leh Hnahva khuaah Chakma hlir mi 194 electoral roll-a thun tur an awm chungchangah nimin khan West Phaileng BDO Lalhmingliana an kâwm.

West Phaileng MZP tarlan danin, Election Commission of India (ECI) thu anga special drive neih mek­ah Silsury aṭangin mi 105 leh Hnahva aṭangin mi 89, Chakma vek ve ve electoral roll-a thun tur an awm a ni.

Hemi chungchangah hian West Phaileng MZP hruaitute chuan nimin khan BDO Lalhmingliana chu a pisaah an kâwm a, Chakma hlang list-a chuangte chu an chuan chhan leh thil kalpui dan a dik leh dik lohte an zâwt a ni.

BDO Lalhmingliana chuan, special drive leh electoral roll-a inthun thar chung­changah dan ang taka kal a nih tur thu a sawi a; Silsury leh Hnahva khuaa thun thar turte chu an nu leh pa aṭanga chhui a, ID, ration card leh birth cirtificate original tun hnaia siam chawp ni lote nen enfiah a ni ang a, khua leh tui dik tak ni lo, foreigner-te chu hnawl an nih tur thu a hrilh.

West Phaileng MZP-te chuan, Mizote hma ngaitu BDO an nei chu lawmawm an tih thu an sawi a ni.