Lt.Col. ZS Zuala'n Mamit a tlawh

Parliamentary secretary (Home) Lt.Col. ZS Zuala chuan nimin khan Mamit a tlawh a; Mamit District Jail, DRDA pisa, Superintendent of Police pisa, District Agriculture Officer pisa, Superintendent of Excise pisa, 4th. IR Battalion hmun leh Fire department hmunte a tlawh.

Mamit District Jail a tlawhnaah Lt.Col. ZS Zuala hi thawktute'n lo dawngsawngin, an mamawh hrang hrang an lo thlen a; harsatna an lo thlente chu a theih ang anga tihlawhtling tura hmalakpui a tum thu a sawi. District Jail-ah hian táng mipa 47 leh hmeichhia panga an,vaiin mi 52 an awm mek a, superintendent hoin thawktu mi 21 an awm.

Jail táng mekte chu jail chu inhremna hmun ringawta ngai lo tura a chah a; mahni insiamṭhat nana hmang tur leh, jail an chhuahsan hunah chhungkua leh khawtlang tana mi ṭangkai ni thei tur khawpa chu inchherna hmun atana hmang ṭangkai turin a fuih.

Tángte'n an harsatna tawh hrang hrang an lo thlen zingah Parliamentary Secretary chuan, TATA Sky leina tur Rs. 3,000 pein, jail thuneitute hnenah a hlan a ni.

Mamit SP office a tlawhnaah thawhktute'n harsatna an tawh, a bik takin lirthei lama an indaih loh thu leh a siamṭhatna lamah harsatna an tawh thu an sawi chu ZS Zuala chuan, thuneitu sang zawkte hnenah thlen a tum thu a hrilh.