Serchhipa agriculture leh irrigation sawiho

Serchhip Block Agriculture & Irrigation Development Committee (BAIDC) chu nimin khan Agricuture conference hall, Serchhipah an ṭhukhawm a; hmasawnna kawnga chak zawk leh hlâwk zawka hmalak dan tur, Technical Cooperation Project (TCP) chung­chang an sawiho.

Technical Cooperation Project (TCP) hi Mizoramin ei leh bara kan intodelh theih nana Japan International Cooperation Agency (JICA)-in master plan a siam tawh tihhlawh­tlinna atana hmalakna a ni. October 26, 2016 khan hmalakna atan hian inremna siam a ni tawh a; project hi kum nga chhung (July 2017 – June 2022) awh tur niin, a tum ber pakhat chu ei leh bara hmasawnna nasa zawk a awm theih nana Japan thiamna Mizoram sorkar hnathawkte hnena hlan chhawn a ni.

Ruahmanna bul ṭan nan hian Mizorama RD Block pali - Bilkhawthlir (Kolasib district), Aibawk (Aizawl district), Ser­chhip (Serchhip district) leh Champhai (Champhai district)-te chu pilot project atana thlan a ni a; heng block tinah hian Block Agriculture & Irrigation Development Committee (BAIDC) din a ni.