NEDP viltute an ṭhukhawm

NEDP Monitoring & Evaluation Committee leh sorkar department hrang hrang hotute chu, nimin khan Planning Board vice chairman H Liansailova hoin NLUP Implementing Board conference hall-ah an ṭhukhawm a; NEDP hnuaia hna kalpui­na kawng­a harsatna tawhte leh chak lehzuala hnathawhna dan tur an rel.

H Liansailova chuan NEDP hnuaia department hrang hrang hmalaknate Monitoring & Evaluation Committee-in ngun takin a vil thu a sawi a, "Department tinte'n action plan an ngaih pawimawh a ṭul. NEDP-ah hian mipuite'n thiamna tak tak eizawnna tlak an neih theihna tur leh sumdawnna bakah thil tharchhuah hlâwk taka kalpui tum a ni," a ti.

Meeting-ah hian sorkar department hrang hrangte chuan NEDP hnuaia June 2017 thleng­a an hmalakna te, kum 2017-2018 chhunga project hrang hrang an kalpui turte leh kalpui mekte bakah, an hmachhawpte NEDP Monitoring & Evaluation Committee hmaah an sawifiah a ni.