Mizoram sorkarin Kerala-a lottery zawrh phalna a titawp

Kerala Finance minister T Thomas-a'n Kerala state chhunga Mizoramin lottery a hralh dan chu dan kalh a nih thu a sawi hnuah, Mizoram sorkar chuan Kerala-a lottery hralh a titawp hrih.

T Thomas chuan tun hnai khan thuthar thedarhtute kâwmin, Mizoramin Kerala state-a lottery a kalpui dan chu dan kalh a nih thu a sawi a, "Kan sorkar aṭangin phalna engmah an la lo. Kan state-a lottery ticket lo kalte hi Mizoram lottery a ni lo a, lottery king Santiago Martin ta a ni," a ti.

Hetih lai hian, Finance department chuan August 2, 2017 khan notification tichhuakin, July 24, 2017-a lottery ticket Kerela-a hralh tura tihna notitication an tihchhuah chu tihtawp lailawk a nih thu a tarlang.

July 24-a Finance department-in notification an tihchhuahah chuan, mipui rawngbawlna leh chhiah lak luh tihpunna atan M/s Teesta distributor hnenah Kerala-a lottery ticket hralh phalna pek a nih thu an tarlang a ni.