Engtik lai pawhin lepse ka ngam - Lal Thanhawla

MPCC president Lal Thanhawla, chief minister chuan, sum siamna atana politics hmang chu an mualpho ngei ngei tih a sawi a, 'Kut tling loa sum lak kawngah chuan engtik lai pawhin lepse ka ngam," a ti.

Lal Thanhawla hian nimin khan Congress Bhavan-ah thu sawiin, politics chu sum siamna atan hman a tum ngai lo niin a sawi a, "Politics sum siamna atana hmang chu an mualpho ngei ngei ṭhin. Thil dangah chuan kan fel, ka fai ka ti lo, kut tling loa sum lak kawngah chuan engtik lai pawha lepse ka ngam," tiin, hausak chu a thil hlauh berte zinga mi a nih thu a sawi.

An party chu inthlana sorkar leh tura buatsaih an nih thu sawiin MPCC President chuan, "Eng pawl pawl emaw lo ding chhuak mah se, kan sorkar lehna tura hmanrua an ni lo ang tih a sawi theih loh," a ti.

Lal Thanhawla chuan, politics aṭanga ram rawngbâwl dawn chuan politics béla chhum hmin nih a ngaih thu sawiin, "Chutiang a nih loh chuan mahni ṭanghma hai mai a awl a, hmalak dan thiam pawh a har khawp mai," a ti a; nihna nei kher lo pawhin ram rawngbawl hna a thawh theih tih hriat a pawimawh thu a sawi.