ATM rawka nuai 20 chuang latu man

SBI, Mission Veng Branch rawktu nia hriat, Hmingthanruala (31) s/o K Lalsawma, Sihphir Neih­bawih chu Augst 2, 2017 khan Mizoram Police-te'n an man.

Police PRO tarlan danin, Police-te hian August 2 khan SBI, Mission Veng Branch ATM chu kumin July 29-30 chhungin khawih a nih thu leh Rs. 20,73,500 a bo thu an dawng a; Kulikawn Police Station-ah thubuai ziah luh a ni.

Police-te chuan August 2 khan Hmingthanruala, Sihphir Neihbawih chu thu zawhfiah atan an la a, Hmingthanruala chu Police hmaah a inpuang a ni.

A inpuanna bawhzuiin Police-te chuan Hming­thanruala car aṭangin Rs. 1,29,000 leh a nute huan Sihphir aṭangin Rs. 17,45,000 an hmu chhuak a, a nupui hnen aṭangin Rs. 14,000 an hmu let bawk. Pawisa an hmuh let zawng zawng hi Rs. 18,88,000 a ni a; sum a rûk zinga eng emaw zat chu an hmang tawh nia hriat a ni.