Digitized signal chungchang thlirho

GAD chuan nimin khan Cable Television Networks (Regulation) Amendment Bill, 2011 hnuaia cable TV service pe chhuaktute'n analogue signal titawp a, digitized signal chauh pe chhuak tawh tura hma an lak dan thlirhona an buatsaih.

Meeting-ah hian district hrang hranga multi system operator-te leh an hnuaia local cable operator leh last mile operator-te an tel a; Digital

Addressable Cable TV Systems (DAS) an kalpui tawh chin leh an dinhmun tlangpuite an sawi.

Mizoram Consumers Union hruaitute'n cable TV service provider leh operator-te aṭanga beiseina leh ngenna an neihte an sawi bawk.

GAD joint secretary Vanlalmawia chuan, GAD chu cable TV digitization chungchanga mawhphurhtu department a nih angin, district hrang hranga nodal officer-te chu an huam chhunga cable TV digitization chungchanga hmalakna turte a hrilh.

Vanlalmawia chuan, Cable TV Networks (Regulation) Amendment-in a phûtte chu vawi leh khatah zawm kim nghal vek theih ni lo mah se, mumal taka thil kalpui thuai a nih theih nan mawhphurtu zawng zawngte chu ṭan la turin a chah a ni.