MZP-in Basawaraj Patil lehkha thawn

MZP chuan Parliament-a Chakma thlavâng hauhtu, Basawaraj Patil, Rajya Sabha MP hnenah nimin khan lehkha an thawn a, Chakma chung­changa a thil sawi a dik loh dan a hrilh tih an tarlang.

MZP thuchhuah tarlan danin, MZP hian an lehkhaah hian, Chakma-te chu Mizoramah mikhual an nih thu te, Bangladesh aṭanga dan loa rawn lut an nih dan te, Mizoramah awihawm lo khawpa an pun chak dan te, Chakma Autonomous District Council hmanga dik lo taka document an insiam­sak ṭhin thu te, dik lo taka Mizote an hêk reng thute an ziak a ni.

Basawaraj Patil hnena lehkha an thawn copy chu MZP chuan prime minister Narendra Modi, Rajya Sabha Chairman leh BJP president Amit Shah hnenah an pek a ni.