BSI Aizawl-in Rs. 3,62,97,800 a hmu

5th August, 2017

Bible Society of India (BSI), Aizawl Auxiliary chuan financial year 2016-17 chhung khan Rs. 3,62,97,800 an hmu a, India rama BSI Auxiliary 16 zingah sum hmu tam ber an ni.

August 3, Ningania Synod Conference Centre-a BSI Aizawl Auxiliary meeting-a tarlan danin, BSI Aizawl Auxiliary-in kum 2016-17 chhungin Rs. 3,62,97,800 an hmuh laiin, India ram puma Auxiliary 16-te sum hmuh belhkhawm chu Rs. 14,76,49,684.54 a ni.

BSI Aizawl Auxiliary hian financial year kal mek, 2017-18 chhungin Bible bu pum, Bible bu mal leh Bible tract 11,00,894 an sem chhuak tawh.

Bible House dinna lei a tlakhniam vanga a sak ṭhatna tura sorkarin ram a pek, BSNL building thlangah Bible House thar sa turin a ram ṭhenawmte aṭangin No Objection Certificate lak a nih tawh thu an sawi.

Meeting hi president Rev.Dr H Vanlalauva'n a kaihruai a, secretary Upa C Thangnghilhlova'n report a pe.