HFW Minister-in ICU khum a hawng

Civil Hospital, Aizawla ICU khum 10 leh a ken tel hmanraw hrang hrang dah thar chu nimin khan Health minister Dr R Lalthangliana'n a hawng. ICU khum leh hmanruate chu HDFC Bank-in an CSR programme Parivar­tan kaltlanga an pek a ni.

Dr R Lalthangliana chuan, HDFC Bank-in hmanraw pawimawh tak tak an pe chu chhin­chhiah tlak a nih thu a sawi a, "Hmanraw tharte hi ṭangkai takin kan hmang dawn a, damdawi-ina thawkte pawh phûrna a pe dawn a ni," a ti.

Health Minister chuan, HDFC Bank-in tun hnaiah Lunglei Civil Hospi­tal leh Siaha District Hospi­tal tan ICU khum panga leh hmanraw dang eng emaw zat an pek tawh thu leh Mizoram tan ṭhahnem an ngaihna ropui a tih thu a sawi a; district hospital dang tihchangtlun dan tur ngaihtuahsak leh turin HDFC Bank a ngen bawk.

Health & Family Wel­fare Board vice chairman Dr ZR Thiamsanga, MLA chuan, HDFC Bank-in Covid-19 donaah nasa takin ṭanpuina an pek chhuah tawh thu a sawi a ni.

Hmanrua hlanna inkhawm hi CHA medical superintendent Dr Zoram­thanga'n a kaihruai a; HDFC Bank aiawhte pawhin thu an sawi a ni.