MP Rosanga'n NEC hotute a kâwm

Lok Sabha MP C Lalrosanga, DoNER Ministry Consultative Committee member ni bawk chuan nimin khan North Eastern Council (NEC), Shillong-ah NEC secretary Moses Challai, NEC financial advisor Gaigongdin Panmei leh advisor planning Calvin Harris Kharshing te a kâwm.

C Lalrosanga chuan, hmarchhak bialah a rualkhai thei ang bera DoNER Ministry leh NEC hmalakna kalpui ṭul a tih thu leh NEC hmalaknate ṭangkai a tih thu a sawi a; ṭangkai zawka NEC siam turin sorkar laipui aṭanga ngaihtuahna thar nena ruahmanna siam ṭul a tih thu sawiin, hmarchhak state-te tana NEC danglam biknate kengkawh zel turin NEC hotute a chah.

Inkawmnaah hian hmarchhak biala NEC kaltlanga hmasawnna hnathawhte leh NEC thuneihna leh sum tam zawka NEC thuam ṭhat a ṭul thute leh NEC kalphungte an sawiho a ni.