ZEM din chhan sawifiah

Zoram Exodus Move­ment (ZEM) convener K Sapdanga chuan Inrinni khan Champhai LAD picnic spot-ah Champhaia thuthar thehdarhtute leh NGO Coordination Committee-te a kâwm a, ZEM din chhan a sawifiah.

K Sapdanga chuan, kum 45 chhung Mizoramin amaha rorelna a kalpui hnuah India rama state rethei berte zingah a tel a, sum hnár project nei si loin, sorkar khawsak senso hautak ber a nih thu a sawi a, "Zirna leh hmsawnna ṭhuanawpna ram, hnam hrisel lo, roreltute'n sakhua leh kohhran an bosalna ram kan ni ta a ni," a ti.

ZEM Convener chuan, Mizoram dinhmun a chhiat tâk avangin inthlanpui lo awm leh turah sorkar ṭha leh rintlak a din theihna turin ram siam duh apiangte thawhhona atan ZEM din a nih thu sawiin, "Mosia'n Kanan ram a thlir ang khan keini pawhin Mizoram tana ṭha ber tur kan thlir a ni," a ti a; party sala táng mekte chu ZEM-in hruai chhuah an tum sawi.

Mizote'n dinhmun sang luah an phû thu sawiin Sap­danga chuan, "Chu dinhmun sang luah tur chuan kan thluakin a phak a, mahse, tuna kan kalphungin a phak si loh avangin rahbi tleu tawhte dinhmun siam ṭha a, ṭhangtharte nghahfâk sorkar ṭha siam tumin kan pên chhuak ta a ni," a ti.

ZEM Convener sawi danin, Mizoram inthlanpui lo awm leh turah chuan vote zawn dan a insaikalh dawn a, kalphung thar duh leh duh lo an inṭhen ang. Hahdam taka retheih duh leh thawk rima hausak duh an inṭhen phawk tawh dawn a ni.