SSC Examination buatsaih

Staff Selection Commission (SSC) Com­bined Graduate Level Exa­mination, 2017 chu August 5, Inrinni khan Mizoram Youth Commi­ssion (MYC) pisaah buatsaih ṭan a ni a, August 22 thleng a awh dawn.

SSC Combined Gra­duate Level Examination hi computer based exam (CBE) hmanga kalpui a ni a, ni khatah ṭum thum - chawhma, chhun leh chawhnuah buatsaih ṭhin a ni dawn a, exam tinah hian mi 30 vel zel an exam ang.

MYC hotute chuan, exam hmachhawn tura form fill-up zingah a taka inlan an tam lo hle tih an sawi a; Inrinni chawhmaah khan form fill-up 34 zinga pasarih chauh a taka exam hmachhawn an awm tih an sawi. Exam form fill-up tawhte chu ngai pawimawh tur leh a tam thei ang ber inziak tling turin ṭan la se an duh thu an sawi bawk.

MYC hotute sawi dan­in, tun hi MYC-in SSC Combined Graduate Level Examination an huaihawt ṭum khatna a ni a; a hma chuan Zirtiri Residential Science College leh Zuang­tuia National Institute of Electronics & Information Technology (NIELIT)-ahte huaihawt ṭhin a ni.