Mountain Development Summit tur thlir
Sustainable Mountain Development Summit, 2017 Organising Committee chu an chairman Zodintluanga, UDPA minister hoin August 4, Zirtawpni khan a pisaah an ṭhu a; September 20-22, 2017 inkara Mizoram University-a Summit neih tura inpuahchahna leh ruahmannate an thlirho.
Sustainable Mountain Development Summit hi kum 2011 aṭangin kum tin neih a ni a; Himalaya tláng bul ṭhuta state 12 - Jammu & Kashmir, Himachal Pradesh, Uttarakhand, Sikkim, Arunachal Pra-desh, Nagaland, Manipur, Meghalaya, Assam, Tripura, West Bengal leh Mizoram-te an tel.
Kumina Mountain Development Summit neih turah hian thupui chu 'Climate Change' leh 'Sustainable Mountain Cities' tihte a ni dawn a; Himalaya tlang bulṭhut state hrang hrang hmasawnna tur te, sik leh sá inthlak danglamin harsatna a thlen leh khuarel chhiatna laka inven dan turte an sawiho dawn a ni.