Congress leh MNF sorkarah Ruihhloin bu a khuar - MPC

MPC party chuan thuchhuah siamin, "Congress leh MNF party-te'n Mizoramah kum 30 sorkarna an chelh chhungin kan ramah nasa takin ruihhloin bu a khuar a, ṭhalai rual tam takin nunna chánin, ramtuileiloah tam tak an awm phah hi pawi kan tiin, lungchhiatthlak kan ti tak zet," an ti.

Central YMA-in ruihhlo dona kawnga ke an pênna zarah ṭhalai tam tak nunna chhanhimin a awm nia sawiin MPC chuan, "Hetih rual hian, Mizoram sorkarin ruihhlo tawlh ṭhinte dan chêpna kawngah hmalakna a neih ṭhat tâwk loh vanga ruihhlo dona kawnga CYMA hmalakna a ṭhuanawp ṭhin," an ti a, vanduaithlak an tih thu an sawi.

MPC chuan, kum 2018 inthlanpuiah MPC leh an thurualpuite'n hnehna changa sorkarna an siam a nih chuan, ruihhlo vanga Mizoramin harsatna nasa tak a tawhte thian fai turin hmalakna thar nen ke an pên dawn tih an sawi a, "Mizoram hi Kristiante chenna state ni âwm rênga hnam dangte mithmuhah pawh vawng turin theihtawp kan chhuah dawn," an ti a; Mizoram mipuite chu thawhpuiah an sáwm a ni.