HFW Board Vice Chairman-in Champhai damdawi-in a tlawh

Health & Family Welfare Board vice chairman Dr ZR Thiamsanga, MLA chuan nimin khan Champhai District Hospital a tlawh a, Truelab Quattro Real Time Quantitative Micro PCR  khawl bunna tur siam mek a enfiah.

Dr ZR Thiamsanga chuan, Chief Minister leh Health Minister ṭha­hnemngaihnaa hun rei lo te chhunga Champhai damdawi-ina swab sample endik theihna bun a ni tur chu lawmawm a tih thu a sawi a, "He khawl hmang hian Covid-19 vei leh vei lo mai bakah, natna dang dang - cancer, hepatitis, malaria leh a dangte hriat theih a ni dawn a ni," a ti. ICU siamna tur in sak mek zawh a nih veleh tihpui­tlin nghal a nih tur thu a sawi bawk.