Hnahthialah SEDP sem tur hawn a ni

Minister Dr R Lalthlangliana chuan nimin khan Hnahthial Electric Veng community hall-ah SEDP hnuaia sum sem tur a hawng. Minister chuan, SEDP aṭanga sum an dawnte chu mipui sum a ni tih hria a, tlak ral mai mai lo turin a dawngtute a chah.

Dr R Lalthangliana chuan, SEDP duangtu, Drafting Committee-ah chairman a nih thu sawiin, "Mithiam leh university-a mithiamte ráwn chungin kum li dáwn chhungin vawi 30 chuang meeting lian tak tak neih a ni. SEDP hian chi hrang hrang a huam a ni," a ti a; zirna leh hriselna lamah pawh zau takin a huam thu a sawi.

SEDP chu ṭhahnemngai leh ṭangkai taka hman tum tura chahin Minister chuan, "SEDP la dawng zel tur, lo la pên chhuak turte pawhin fimkhur takin kan tawn chinah ngaihtuahna sèn a ṭul. Kan sum dawn a tlém a nih pawhin uluk taka ngaihtuah a, sorkarin a páwng a takin a sem lo a ni tih hriat reng a pawimawh," a ti.

Family oriented SEDP hi Hnahthial district-a MLA bial pakhat chhunga khaw 22 aṭanga thlan chhungkaw 1,500 hnenah sem a ni dawn a; Dr R Lalthangliana hian nimin khan Sericulture leh AH&Vety department hnuaia ṭanpuina dawngtu tur mi panga ve ve hnenah a hlan nghal a ni.