Kawng siam mek a tlawh

PWD enkawlnaa Chief Minister puitu minister Lal Thanzara chuan nimin khan Bawngkawn leh Zemabawk inkar kawngpui, NH-54 siamṭhat mek a tlawh a, hna thawh dan a enfiah.

Lal Thanzara chuan, kawngpui siamṭhat mek chu mipui tan a pawimawh avangin uluk leh chak zawka thawk a, kawng tlo leh ṭha siam turin thawktute chu a hrilh. Contractor-te chuan kawng siamṭhat kawnga harsatna an neihte an lo hrilh ve bawk.

Kawng siam hna hi VRS company-in a thawk a, January 6, 2017 aṭanga thawk ṭanin, vawi hnih siam ṭhat a ni tawh a, vawi thumna tur thawh leh mek a ni.