Ṭawngṭai rual turin ngen

Mizoram Kohhran Hruaitute Committee (MKHC) chuan thuchah a tichhuak a; ruihhlo laka Mizo­ram a fihlim theih nan leh ruihhlo bâwiha táng mekte chhanchhuah an nih theih nan August 13, 2017, Pathianni zan inkhawm­ah ṭawngṭai rual turin kohhran tinte an ngen.

MKHC chuan, "Kan rama ruihhlo lo hluar zel leh kan ṭhalai tam tak a suat tawh baka a bâwiha tam tak an la táng mek hi pawi a ti tak meuh a. Chuvangin, August 13, 2017 Pathianni zan hian ruihhlo laka kan ram a lo fihlim theih nan leh ruihhlo bawiha táng mekte tan ṭawngṭai rualna nei tur leh, he lam hawi Pathian thuchah sawi ṭheuh turin MKHC chuan kohhran tinte a ngen a ni," a ti.