Tut lei hawng leh tawh

Mamit district-a Tut lui kânna lei (pre-stressed concrete bridge) dawh zawh tawh chu a chak zawng enfiah a nih hnuah August 7, Thawhṭanni aṭang khan lirthei chi tin kal theiha hawn a ni.

Tut lei thar hi metric ton 70-a rit dâwl zo tura ngaih a ni a; a chak zawng enfiah turin PWD chuan Mechfad Engineering Industries Pvt. Ltd., Guwahati a ruai a, anni hian lei chu khârin, August 3-6 chhung khan an enfiah. Enfiahnaah hian thil dik lo hmuh chhuah a awm lo a, mahse, an test result chu official-a puan a la ni lo.