Khawvelin NLUP a hre tawh - Chief Minister

Commerce & Industries department chuan, nimin khan Serchhip P&E Veng YMA Hall-ah NLUP ṭanpuina an sem a; khual­lian, chief minister Lal Than­hawla chuan, NLUP chu khaw­velin a hriat tawh thu a sawi.

Chief Minister chuan, NLUP chu khawvelin ṭha a ti nia sawiin, "Khawvelin a hre tawh a. Mi khawsak harsa leh rahbi tleu tawhte kaih thawhna atan a ṭangkai a ni tih UNO hial pawhin a hriat chian em avangin Mizoram sorkar rawn thawhpuiin, Aizawlah office neia inbêngbelin sorkar nen an thawk dun mek zel a ni," a ti.

Lal Thanhawla sawi danin, NLUP chu global warming, ramngaw chereu mek zel, boruak hîp tur thianghlim lo, tuihna kiam mek, ei leh bar tlakchhamna, mihringte insiamchawp harsatna hrang hrangte tana damna leh siamṭhatna hna thawk a ni.

NLUP ṭanpuina hi trade 24 hnuaiah mi 342 hnenah sem a ni.