ZPM ṭhalaiin lawmpuina hlân

Zoram Peoples' Movement (ZPM) party ṭhalai chuan nimin khan kumin Republic Day-a India President hnen aṭanga naupang huaisen chawimawina, National Bravery Award dawngtute hnenah lawmpuina an hlân.

ZPM ṭhalai hruai­tute hi an president Malsawm­zuala hoin an thawk chhuak a; Caroline Malsawmtluangi, Zuangtui Vengthar leh F Vanlal­hriatrenga, Sairang te inah kalin, huaisen chawimawina an dawn lawmpuina hun an hmang a, lawmpui nan thuchei leh Rs. 3,000 ve ve an hlan a ni.

Malsawmzuala chuan, Mizo ram leh hnam ti-hmingṭhatute an chhuan thu leh an huaisenna chu mi dangte thil ṭha tih kawnga cho chhuaktu a nih ngei a rin thu a sawi a; tunlaiah chanchin duh­awm lo hriat tur tam tak a awm karah thu lawmawm Mizoramin a nei chu lawm­awm a tih thu sawiin, naupang huaisente chu an chhungte Pathian awmpuina dawng zel tur­in duhsakna a hlan a ni.